Фольклорное сказание восстанавливается примерно так....

О войне с хазарами

Князю Святославу възрастъшю и возмужавшю, нача вои совокупляти многы храбры и бЂ бо самъ храборъ, и легко ходя, акы пардусъ; воины многы творяше ходя, а возовъ по собЂ не вожаше, ни котла, ни мясъ варяше, нь потонку мяса изрЂзавше, конину или звЂрину, грядину, на углех испекъ, ядяше; ни шатра имяше, нь подклад постилаше, а сЂдло в головах; такоже у него и прочии вси вои бЂху. И накы посылаше къ странамъ, глаголя имь сице:«хощу на вы ити».
Иде Святослав на Северяне и победи Северянъı и възложи на нь дань легъку и не дастъ имъ Козаромъ дани платити рекъ азъ имъ противенъ а вамъ не чему. Посла къ Радимичемъ рька камо дань даєте они же реша Козаромъ . и рече имъ Святослав не даите Козаромъ но мне даите и въдаша Святославу по щьлягу якоже [и] Козаромъ даху и бЂ обладая Святослав. И абие поиде на Оку рЂку и налЂзе Вятици, и рече Вятицемъ:«кому дань даете». Они же рЂша:«Козаромъ дань даемь по щьлягу от рала». ПобЂди Святославъ Вяткцевъ и дань на них возложи
Иде Святославъ [на Волгу] на Козары. Слышавши же Козары, изидоша противу съ княземъ своим каганомъ, и съступишася на бои, и бысть брань, одолЂ Святославъ Козаромъ, и град ихъ БЂлу вежю взя. И Ясы побЂди и Касогы, и приведе Кыеву.

О печенежской осаде Киева

Приидоша [же тогда] ПеченЂзЂ на Рускую землю прЂвЂе. И оступиша ПеченЂзи град въ силЂ тяжьцЂ, бещисленое множество около града; и не бЂ лзЂ из града вылЂсти, ни вЂсти послати; изнемогаху людие гладомъ и жажею. И собравшеся людие оноя страны ДнЂпра в лодьяхъ, стояху об ону страну, не бЂ лзЂ внити в Киевъ ни единому их, изъ града к ним. Въстужиша людие въ градЂ [и рЂша]:«не буде ли кого, иже бы моглъ на ону страну доити: аще не приступите утро подъ град, предатися имут ПеченЂгомъ». И рече имъ единъ отрокъ:«азъ преиду». [Они же глаголаша] »иди». Он же изиде изъ града со уздою, рысташе сквозЂ ПеченЂгы, глаголя имъ:«не видЂсте ли коня никто же»; бЂ бо умЂя велми печенЂжьскымъ языкомъ; онЂ же мнЂвше его своимъ. И яко приближися к рЂцЂ, свергъ порты съ себе, сунуся во ДнЂпръ и побреде. ВидЂвши же се ПеченЂзЂ, абие устремЂшася на нь, стрЂляюще его; не могоша ему ничтоже зла створити. ОнЂ же видЂша съ оноя страны, преихавше в лодьи, превезоша и къ дружинЂ. И рече имъ:«аще не поступите заутра къ граду, и людие предатися имут ПеченЂгомъ». Рече же воевода их, именем Притиць:«подступимъ заутра в лодьяхъ, и попадьше княгыню и княжичЂ, умчимъ на сию страну людии; аще ли того не створимъ, погубить нас Святославъ. И яко бысть заутра, всЂдше в лодьи противу свЂту, въструбиша вельми трубами, и людие въ градЂ кликнуша ПеченЂзи же мнЂша князя пришедша, побЂгоша разно от града. Изиде Олга съ внукы своими и с людьми к лодьямъ. ВидЂв же се князь печенЂжьскыи, възратися единъ къ воеводЂ Притичю, рче:«кто се прииде». И рече ему:«людие оноя страны». И рече князь печенЂжьскыи:«а ты князь ли еси». Онъ же рече:«азъ есмь мужь его, пришелъ есмь въ сторожехъ, а по мнЂ идут вои съ князем безъщислено множество». Се же рече, грозя имъ. Рече князь печенЂжьскыи къ Притичю:«буди ми ты другъ». Он же рече:«тако буди». И пода руку межю собою; и вда печенЂжьскыи князь Притичю конь, саблю, стрЂлы; онъ же дасть ему брони, щитъ, мечь. И отступиша ПеченЂзи от града, не бяше лзЂ коня напоити на ЛыбедЂ ПеченЂгы. И послаша кыянЂ къ Б Святославу Б послы, глаголюще:«ты, княже, чюжеи землЂ ищеши и блудиши, своея ся охабивъ; мало бо насъ не взяша ПеченЂзи, матерь твою и дЂтеи твоих. Аще не приидеши, ни оборонЂши насъ, да пакы ны возмут. Аще тЂ не жаль отчины своея и матери, стары суща, и дЂтии своих». То слышавъ Святославъ, вборзЂ сЂдши на коня съ дружиною своею, прииде Кыеву, и цЂлова матерь свою и дЂти своя; съжалися /л.об./ о бывшимъ от ПеченЂгъ, и собра воя, и прогна ПеченЂгы в поле; и бысть мирно.

О Дунайском походе

И рече Святославъ къ матери своеи и къ бояромъ своимъ:«не любо ми есть жити въ КиевЂ, нь хощю жити въ Переяславци и в Дунаи, яко то есть среда земли моеи, яко ту вся благая сходятся: от Грекъ паволокы, злато и вино, овощевЂ различнии; а и-Щехъ и из Угровъ сребро и конЂ, а изъ РусЂ же скора и воскъ и мед и челядь. И рече ему Олга:«видЂши ли мя болну сущу; камо хощеши от мене ити»; бЂ бо уже разболЂлася; и рече ему:«погреби мя, и иди, ямо же хощеши». И по трех днех умре Олга; и плакася по неи сынъ ея и внуцЂ ея и людие вси плачемъ великымъ зЂло; и несъше, погребоша ю на мЂстЂ [где ныне церковь Пресвятой Богородицы Десятинная].